Ava
Bag-o pa ka naku nakaila
Hot na kaayu ka
Kung ako dili makatulog
Sa imuha tulog jud ko dayun
Ikaw ang gamando
Gikan sa akung pagmata
Dili jud ko matingala
Kung sa kilid sa kama
Naa na dayun ka
Sa akung pag-inusara
Ikaw ra ang akung makita
Kay ang imung botilya
Klaro kaayu sa mata
Ikaw ra lagi
Gihapun soju
Ang ulipon ni Maestra
Senyora Samantha
Viuda de way lisensya
Ako magmalipayun
Kay ako pud imung ulipon
Samantha
Wa jud koy kalibutan
kung unsa nang imong mga
gipang sulti diha, amiga.
Simple ra man
ning tanan siguro.
Di ba?
Nalipay ka, sa dihang
kauban mo siya.
Makatulog kang
malinawon, ug dili na
maghandom pa
sa mga butang
nga angay nang kalimtan
Kung kining tanan
maka palipay ug maka hugka
sa kasingkasing mong
nagsubo karong gabhiona
aduna bay rason
nganong atong pugngan pa?
AVA
soju ba kaha
ang imung
gipuntirya
dihang nagkuyog
mi walay duda
nahibalo
ka sa akung gibati
lagi sayun
ang pagtuki tuki
sa mga gibati
kung soju
lang ang gasulti
Samantha
ang epekto sa soju
ug sa lain pang butang
nga ato nang nahisgutan,
pananglitan—gugma
pareha ra.
ang ako lang
ika tambag,
“drink moderately”.
mao sab nay
ingon nila.
inom lang hangtod
makatulog ka.
ayaw na palabii pa.
AVA
drink moderately
love moderately
unsa pay lain, manang?
buot ba nimu ipasabot
nga sama sa soju
mawala ang hapdos
sa kasakit
inig kabuntag
tungod kay
nawad-an kag buot?
nawala ba pud kaha
o nigawas ang tinuod
drink moderately
peru love moderately?
lahi.
Samantha
dili ba nindot,
nga sa pila ka oras
karong gabhiona
nalipay ka?
traydor ang panumduman
matud pa nila.
motunga lang sa imong
atubangan
maski wala ingna.
ang kalisod pa,
mopuyo kini,
modugay,
ug dili na mobiya pa.
maong ikalipay
ang pila ka oras
o minutong
nakalimot ka.
kung ang kalimot
makab-ot
pinaagi sa soju,
o uban pa,
sa ako nang gisulti pa,
buhata ug ayaw na
pag ukon ukon pa
AVA
Kalimtan ang
Gauros uros
Nga gugma
Sa huna huna
Sa pulong
Sa paglaum
Kini makaya buhaton
Niya kung ikaw
Magpaulipon
Kalimtan ang
Gauros uros
Nga gugma
Sa buntag
Sa hapon
Sa gabii
Basta ang sujo
Wa mapugngi
Busa lagi
Dili magpalabi.